ترڪڻا ترورا

ترڪڻا ترورا (ڪتاب ):هي نامور ليکڪا ريٽا شهاڻيءَ جو ناول آهي، جيڪو 130 صفحن تي مشتمل آهي، ان جو پهريون ڇاپو 2004ع ۾ سنڌي ٽائمز پبليڪيشن الهاس نگر پاران ڇپجي پڌرو ٿيو، جنهن جي قيمت 60 رپيا آهي. هن ناول جي ڪهاڻيءَ ۾ اظهار جي نئين ٽيڪنيڪ اختيار ڪئي وئي آهي، ناول جا ٻه مکيه ڪردار مرد ۽ عورت پنهنجي پنهنجي ڪهاڻي الڳ الڳ نموني سان پيش ڪن ٿا. ڪتاب ٻن ڀاڱن ۾ ورهايل آهي. ڪهاڻي مهاراشٽرا جي هڪ سامونڊي ڳوٺ تي آڌاريل آهي. جيڪو هڪ رواجي سمنڊ جي ڪناري وارو ننڍو ڳوٺ آهي. ناول جو مکيه ڪردار هڪ سياسي شخص آهي. هيءَ ڪهاڻي انسان ۽ انسان جي نفسياتي رخ سان گھڻي لاڳاپيل آهي، پر آهي پريم ڪهاڻي. هن ناول جو مهاڳ مشهور نقاد لڇمڻ ڪومل لکيو آهي .

ڪتاب - ڀاڱي جون ٻِيون داخلائون